قصيـــــــدة << تعـــــــبت>>

انا مسافر بلا رحله وحزني جملة الاوطان

اسافر عنه وارحل له معاني حيل مكسوره

تعبت اجرع معاناتي ومن كاس الشقا الوان

تعبت اضحك على نفسي ونفسي مني مقهوره

تعبت ابحر محيطاتي وحزني بعده الطوفان

تعبت امشي مسافاتي وتمشي الرجل مجبوره

تعبت ابكي على عمرٍ يضيع بعالم الاحزان

تعبت اعتب على حظي واشكي قلة حضوره

تعبت ابحث عن احلامي ياخوفي مالها عنوان

تعبت اشيل في صدري بقايا امال مآسوره

تعب حتى القلم مني وانا في حقه الغلطان

تعب حتى الورق مني وتمنن عني بسطوره

انا مالي فرح اصلا انا من عالم النسيان

تحبني حيل احزاني وحدها فيني مغروره

تعبت والتعب يتعب الا منه غدى تعبان

تعبت فوق التعب وصرت مثال وللتعب صوره